Алина Тайпи сăввисем

Алина Тайпи

Çĕнĕ çул çитет

Çĕнĕ çул çитет, кивĕ çул иртет,

Хĕл мучи парне-сарне хатĕрлет.

Васкать инçетрен, ачасем патне,

Çитес ,тет, хуласене, ялсене.

Юр кĕрчĕсем урлă ашса çитет,

Çĕр çинчи пур çын та ăна кĕтет.

Кивĕ çул иртет, иртет-

Нуша-тертне хÿтерет.

Çĕнĕ çул çитет, çитет-

Телейне пире кÿрет.

Шап-шурă юр пĕрчи йăлтăртатать,

Илĕртÿллĕн куçа йăмăхтарать.

Сип-симĕс чăрăшĕ капăрланнă,

Тĕрлĕрен тетте ун çине çакнă.

Чăрăш тăрринче çăлтăр çутатать,

Çĕнĕ çул çине çуттине сапать.

Кивĕ çул иртет, иртет-

Нуша-тертне хÿтерет.

Çĕнĕ çул çитет, çитет-

Телейне пире кÿрет.

Ĕмĕр çав-çавах иртет

Çĕр ĕçченне кантарса -

Каç пулать.

Ир те çитет,

Хĕвел тухать çутатса,

Каллех çĕнĕ кун иртет.

Пĕрне-пĕри ăнланса

Пурăннине мĕн çитет?!

Ларас мар-ха кулянса,

Ĕмĕр çав-çавах иртет.

2011 ç., кăрлач, 31.